# اضرار غسيل الموتور فى البنزينه بالماء والجاز
والطريقه السليمه لغسيل حوض العربيه
*اغلبنا بيخصص يوم يودى العربيه تتغسل فى البنزينه بهدف الحفاظ عليها وللاسف بعد فتره قريبه يلاقى اجزاء فى العربيه ابتدت تتلف والبرومه ابتدت تظهر والبويه بهتت وميعرفش السبب ايه
*حنتكلم انهارده عن سبب تلف اجزاء الموتور الداخليه والبوست الجاى عن سبب البارومه وبهتان البويه وازاى نتعامل معاهم وازاى وفين نغسل العربيه مظبوط علشان نحافظ عليها فعلا مش نكون احنا سبب تلفها بالاستخدام الخاطئ
* طب ايه اللى بيحصل لما بنغسل موتور العربيه بالجاز اولا
* الجاز بيتسبب فى تنشيف وتآكل وتشقق كل الاجزاء البلاستك والكاوتش والمطاط يعنى ممكن يتسبب فى تشقق وتلف السيور وتشقق قواعد الموتور والفتيس وتلف كابلات وسلوك الكهربا والضفيره وغيره من الاويلسيلات اللى بيطولها الجاز ..
*طيب والميه بس من غير جاز ليها اضرار؟
*طبعا ليها اضرار لان العربيات الحديثه بتشتغل على جزء اساسي اسمه كارته او اسمه كنترول واغلب العربيات دى فيها دواير كهربائيه كتير ، لو طالتها الميه ممكن يحصل كارثه وبالتالى حتخش فى تكاليف عاليه جدا متعرفش حتوصلك لأيه
*طيب ايه الحل
*فى منتجات نزلت مؤخرا مخصصه لغسيل المحرك بالفوم ممكن انت تستخدمها بنفسك ومتحتاجش تروح بنزينه وبتحافظ جدا على سلامة اجزاء الموتور وكابلات وسلوك الكهربا وقواعد الموتور والفتيس من التشقق ومبتوصلش لكنترول العربيه لانك بتقدر تتحكم فى اتجاه الفوم بعيد عن الدواير الكهربائيه
مشكور